« Kwonik yon Dayiva se moman pam! » Se pa pou san rezon se premye sa m di nan entwo kwonik lan. E kwonik sa se refleksyon ak lekti pam sou lavi ak kondisyon lavi fanm an patikilye. Tout sa ki fè m poze tèt mwen kesyon, poze moun kesyon. Tout sa ki fè m plonje nan liv ak dokimantè pou m konprann plis sosyete a ak moun li kale yo. Kwonik la se tout sa ki preyokipe m. Se blag mwen, istwa pèsonèl mwen. Se espas poum di sa m panse paske wi, fanm ka di sa yo panse nan espas piblik la. Yo ka foure bouch yo nan tout koze. Politik, edikasyon, espò, elatriye. Kwonik yon Dayiva ap libere lapawòl yon nègès ki deside pa kite anyen pase. Yon nègès kap goumen pou byennèt ak libète. Kit ou fanm kit ou gason.
Gaëlle Bien-Aimé is a journalist, actress, comedian, and playwright. She is a teacher of body and voice in Act, training school for actors and animators. She is a founding member of the APTH association of theater professionals and of the feminist organization Nègès Mawon.
